Sete Fondation Ceerno Wolle Njaay jaɓɓaama jaɓɓungal mawngal e Waali Jantaŋ e nder Muritani, ɗum ko e oo Alkamiisa 23 lewru 11/2023, ko nde wonaa e timmoode njillu ngu Waalinaaɓe njaɓɓii jaɓɓungal maantiningal Gardiiɗo Renndo Dowri Waali Jatantaŋ tawetee ko e nder Falnde Maqaama diiwaan Gorgol Umaar Gorbal Sih, diisndeteeɓe ɓee mbertanii Alh Abuu Njaay jeese e leece teddungal.Ko keewal ngal limoore mum satti yortio e tufnde Waali gila 17h ngam teeraade oon Sete, e nder ndiin keeweendi haɗa nana konngoɗi » Abdullaahi Jaaraama »
![](https://daakaamedias.com/wp-content/uploads/2023/11/403738363_1729481230891922_3219688487625388683_n-1024x682.jpg)
Nde yettaa to nokku Meeri oo boowal ngal ina wiyi dak yimɓe, hayso ñorgo werlaam memataa leydi, Allah jamanu ngu heewde. nde Meer oo Umaar Gorbal Sih ƴetti Konngol Bismaango o artii e Moƴƴere Alh Abdullaahi Wolle Njaay, o hollitii oon ina darii e ñootondiral leyɗe ɗiɗe Muritani e Senegaal.Alh Abuu Njaay nde yetti konngol hollitii weltaare mum e jaɓɓungal ngal, o ruttanioma sabaabu gatal ngal, ko yettinde nelal e ballal Alh Abdullaahi Wolle Njaay feewde e nokkuuji ɗii, ina e ngaal ballal jamaaji, e Foorasuuji kam suudu safrirdu, ngam safrude caɗeelw Waalinaaɓe.
![](https://daakaamedias.com/wp-content/uploads/2023/11/403750935_1729481420891903_5106350598562734003_n-1024x682.jpg)
Njillu nguu joofirta ko ɗo e Waali Caggal balɗe jeegom e nder Gure Fuuta rewo e worgo. Hannde yettaam e nokkuuji keewɗi ngam yiyde, faama holi no haako waɗireede. Komin mbo Wali noon ina dina e mum ko ina tolnoo 18 000 fittaandu, ko ɗanniyaŋkooɓe e waali w uro en mbaɗata juuɗe mum en e ɓamtaare nokku oo, e ballal Meer maɓɓe maa ballal Alh Abdullaahi Wolle Njaay nasti nokkuuji ɗii hanti.
![](https://daakaamedias.com/wp-content/uploads/2023/11/403738363_1729480977558614_8855552098753247636_n-1024x682.jpg)
![](https://daakaamedias.com/wp-content/uploads/2023/11/403751466_1729480810891964_5911952991382033168_n-1024x682.jpg)
Ɗaahaa Muusaa Bah e Aamadu Jaw e Umaar Bah.